Khabren News.com

Be Updated

پاکستان میں کرونا وائرس کے مصدقہ کیسز کی تعداد 14,885 ہو گئی، 327 جاں بحق

(adsbygoogle = window.adsbygoogle || []).push({});

نئے اور مہلک وائرس کو وِڈ نائنٹین کی عالمگیر وبا سے پاکستان بھر میں اموات کی تعداد 327 تک جا پوھنچی، ملک کے مختلف حصوں میں کرونا وائرس کے تصدیق شدہ کیسز کی تعداد بھی بڑھ کر 14,885 تک ہو گئی۔

نیشنل کمانڈ اینڈ آپریشن سینٹر کی جانب سے جاری اپ ڈیٹ کے مطابق پاکستان میں کرونا وائرس کے کیسز تیز رفتاری کے ساتھ بڑھ رہے ہیں، چند دن قبل عالمی ادارہ صحت نے بھی خبردار کر دیا تھا کہ مؤثر اقدامات نہ ہوئے تو جولائی کے وسط تک پاکستان میں کرونا کیسز کی تعداد 2 لاکھ تک ہو سکتی ہے۔ سنگاپور یونی ورسٹی آف ٹیکنالوجی اینڈ ڈیزائن نے پاکستان میں کرونا وائرس کی وبا پر 8 جون تک 97 فی صد قابو پانے کی پیش گوئی کی ہے، جب کہ یکم ستمبر تک وبا پر 100 فی صد قابو پا لیا جائے گا۔

این سی او سی کے مطابق ملک کے مختلف شہروں میں اس وقت کرونا کے زیر علاج مریضوں کی تعداد 11 ہزار 133 ہے. پاکستان میں 24 گھنٹوں کے دوران کرونا کے 806 نئے کیسز رپورٹ ہوئے، جب کہ اب تک 3425 مریض وائرس سے لاحق ہونے والی بیماری سے صحت یاب ہو چکے ہیں، جب کہ 129 کی حالت تشویش ناک ہے۔

کرونا کی عالمگیر وبا 2 لاکھ 18 ہزار انسانی جانیں نگل گیا، ہلاکتوں کا سلسلہ تیزی سے جاری ہے

کمانڈ سینٹر کا کہنا ہے کہ گزشتہ 24گھنٹوں کے دوران ملک میں مزید 26 اموات رپورٹ ہوئیں، سب زیادہ اموات اب تک خیبر پختون خوا میں ہوئی ہیں جن کی تعداد 114 ہے، اس کے بعد پنجاب میں 100 اموات، سندھ میں 92 اموات، بلوچستان میں 14، گلگت بلتستان میں 3 جب کہ اسلام آباد میں 4 اموات ہوئیں۔

پنجاب میں کرونا کیسز کی تعداد سب سے زیادہ 5,827 ہو گئی، سندھ میں 5,291 کرونا کیسز رپورٹ ہو چکے ہیں، خیبر پختون خوا میں کیسز کی تعداد 2,160، اسلام آباد میں 297 ہو گئی، بلوچستان میں 915، گلگت بلتستان میں 330 کرونا کیسز رپورٹ ہوئے گزشتہ 24 گھنٹوں میں صرف 10 کیسز آزاد کشمیر میں کیسز کی تعداد 65 کوئی نیا کیس نہیں ہے۔

گزشتہ 24 گھنٹوں کے دوران ملک میں 8,530کرونا ٹیسٹ کیے گئے، این سی او سی کے مطابق ملک میں اب تک کرونا کے 1 لاکھ 65 ہزار 911 ٹیسٹ کیے جا چکے ہیں۔

(adsbygoogle = window.adsbygoogle || []).push({});
Please follow and like us:

Corona Virus Current Status in Pakistan

Follow all SOP. Keep social distancing, Wear mask