ایل اوسی, بھارتی فوج کی بلااشتعال فائرنگ سے 4 شہری زخمی

جنگ بندی معاہدے کی خلاف ورزی کرتے ہوئے بھارتی فوج نے پاکستانی حدود میں بلا اشتعال فائرنگ سے 4 شہریوں کو زخمی کردیا

پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی جانب سے شاردہ، شاہ کوٹ، ڈھڈیال سیکٹروں پر بلا اشتعال فائرنگ کی گئی, بھارتی فوج نے توپ خانے اور بھاری ہتھیاروں کا استعمال کیا ہے, پاک فوج نے بھرپور جواب دیتے ہوئے انڈین چیک پوسٹوں کو نشانہ بنایا

ڈی جی آئی ایس پی آر کے مطابق بھارتی فورسز کی اشتعال انگیزی و گولہ باری کے نتیجے میں چھری بسن والی گاؤں کی رہائشی بچی سمیت 4 افراد زخمی ہوگئے

میجر جنرل بابر افتخار کے مطابق بھارتی افواج نے جان بوجھ کر سویلین آبادی کو نشانہ بنایا

ڈی جی آئی ایس پی آر کا مزید کہنا ہے کہ 2020 میں بھارتی فوج نے اب تک سیز فائر کی 708خلاف ورزیوں کا ارتکاب کیا ہے جب کہ 2020 میں بھارتی فوج کی سیز فائر کی خلاف ورزیوں کے نتیجے میں 2 شہری شہید اور 42 زخمی ہوئے

Please follow and like us: